Bakalavr diplom işim – Mobil Web Servisləri və Java Platformu

Posted on 29 Dekabr 2010. Filed under: Java | Etiketlər: diplom, diplom isi, j2me, Java, midp, mobil, proqramlaşdırma, soap, web servis, wsdl, xml |

Bakalavr diplom işimi paylaşmaq qərarına gəldim. Mövzumun adı “Mobil Web Servisləri və Java Platformu”-dur. Həmin vaxtlar (2005-2006-ci illər) Java ilə mobil proqramlaşdırmaya marağım var idi. Həmçinin yeni texnologiya olaraq Web servislərini araşdırırdım. Bu ikisinin sintezi nəticəsində diplom işimin mövzusunu özüm belə seçdim. Bir il ərzində araşdırdım, öyrəndim, diplom işimi yazdım, həmçinin bu texnologiyaların tətbiqinə nümunə olaraq mobil proqram da yazdım.
Diplom işinin nələri əhatə etdiyini görməyiniz üçün ön sözü buraya yerləşdirdim:

Bu diplom işimdə web servisləri texnologiyalarını və standartlarını, mobil cihazlardan web servislərin istifadə etmək imkanlarını araşdırmışam.
Birinci bölmədə Java platformu və mobil Java texnologiyaları haqqında məlumat verilmişdir.
İkinci bölmədə web servisləri, standartlar və texnologiyalar haqqında məlumat verilmişdir.
Üçüncü bölmədə mobil web servisləri, standartlar və texnologiyalar, dördüncü bölmədə isə necə onların layihələndirilməsi haqqında məlumat, beşinci bölmədə isə MobiGoogle adlı nümunə bir proqram təqdim edilmişdir.
Mobil web servisləri yeni anlayış olduğu üçün bu barədə qaynaq və kitablar azdır. Qaynaq olaraq əsasən Internet və mövzu ilə bağlı oxuduğum kitab və məqalələri istifadə etmişəm.

Diplom işi pdf formatında buradan yükləyə bilərsiniz:
Mobil Web Servisleri və Java Platformu
Ümid edirəm ki, kiməsə maraqlı, faydalı olar 🙂