Seminar materialları
13 Mart 2010 tarixində Qafqaz universitetində verdiyim “İKT sahəsindəki beynəlxalq sertifikatlar və onların önəmi” seminarına gəlmiş bütün iştirakçılara və təşkilatçılara minnətdarlığımı bildirirəm. Təxmini 40 nəfər iştirak etdi. Ümid edirəm ki, iştirakçılara maraqlı və faydalı oldu.
Seminar təqdimatını və digər materialları aşağıdakı linklərdən yükləyə bilərsiniz
1.Təqdimat(MS Powerpoint faylı)
2.Təqdimat +digər materiallar(zip faylı)
İstəyənlər fikirlərini, təklif və tənqidlərini şərh olaraq yaza bilərlər.
Read Full Post | Make a Comment ( 10 so far )Seminar: “İKT sahəsindəki beynəlxalq sertifikatlar və onların önəmi”
Axtunq axtunq, diqqət, diqqət 🙂
Bu həftə şənbə günü Qafqaz universitetində seminar verəcəm. İştirak sərbəstdir, qeydiyyat hər kəs üçün açıqdır və pulsuzdur.
Seminar tam adı: İnformasiya Kommunikasiya Texnologiyaları sahəsindəki beynəlxalq sertifikatlar və onların önəmi
Yer: Qafqaz universiteti seminar salonu
Tarix: 13 Mart 2010 saat 10:30
Nəzərdə tutduğum hədəf auditoriya aşağıdakılardır:
1.Kompüter mühəndisliyi son kurs tələbələri – karyera seçimi və iş ilə bağlı qərar vermək üçün köməklik
2.Kompüter mühəndisliyi aşağı kurs tələbələri -gələcəyə yönəlik karyera hədəfləri haqqında onları düşündürmək və məlumatlandırmaq
3.Başqa sahə üzrə təhsil alan və ya oxuyan, amma İKT sahəsinə keçmək istəyənlər – iş həyatında yeni səhifə açmaq istəyənləri məlumatlandırmaq
Seminarda aşağıdakı mövzular haqqında məlumat verəcəm:
1.İKT sahəsindəki beynəlxalq sertifikatlar
2.Sertifikatların bilik və təcrübə səviyyəsinə görə təsnifatı
3.Sertifikatların İKT sahələrinə görə təsnifatı
4.Sertifikatın önəmi
5.Sertifikatın faydaları
Ümid edirəm ki, seminar iştirakçıları üçün faydalı olacaq.